RESUMO DA ACTIVIDADE:
– As maquetas foron realizadas polos alumnos de 4º ESO de bioloxía e xeoloxía (4º A e 4º B).
– A finalidade da actividade era que comprendesen a estrutura do ADN. Unha vez estudiada a súa estrutura secundaria (modelo da dobre hélice de Watson e Crick), os alumnos debían construír unha maqueta (modelo tridimensional) desta biomolécula.
– Para realizar a maqueta podían utilizar diferentes materiais, cada un os que quixera. Despois de ver vídeos de YouTube nos que facían maquetas de ADN con diferentes materiais: gominolas, papel (origami), bolas e palillos, etc., os alumnos podían escoller algunha desas ideas, ou podían optar por facer a maqueta libremente, utilizando os materiais que eles quixeran.
– A maqueta podía ter unha lenda, onde se indicara o que é cada elemento.
– Unha vez feita a maqueta, tiñan que saber explicar a estrutura do ADN ou contestar a preguntas concretas feitas pola profesora, baseándose na súa maqueta.
– Por último, debido ó esforzo por parte dos alumnos e ó ben que quedaron as maquetas, expuxéronse na entrada do instituto.
Categoría: Exposicións (Páxina 1 de 4)
O 11 de Novembro é o Poppy Day ou Día do Recordo (Remembrance Day). Ás 11, do día 11, do mes 11… gárdase 1 minuto de silencio, coincidindo coa fin oficial da 1ª Guerra Mundial. Foi establecido en 1919 en lembranza de todas as vítimas da 1ª Guerra Mundial e, por extensión, de todos os conflitos bélicos. Celébrase nos países da Commonwealth. A papoula do recordo úsase desde 1921 e converteuse nun emblema, en referencia ao poema In Flanders Field. Foi escrito en 1915 polo tenente coronel médico McCrae, que participou na Segunda Batalla de Ypres. Inspirouse ao observar as papoulas que medraban entre as numerosas cruces dos caídos en guerra.
O Poppy Day foi tamén celebrado no noso centro, baixo a dirección do Departamento de Inglés. Neste vídeo podemos ver máis información e as actividades feitas. Parabéns a todas as persoas participantes!
Con motivo do 8 de marzo, no vestíbulo do centro podiamos ver unha exposición de fondos da nosa biblioteca. Tamén foi o lugar onde varias alumnas leron un manifesto sobre a relevancia dese día.
Aquí temos unha imaxes sobre o acto.
O alumnado do Club de Ciencia do IES Lucus Augusti construíu moléculas de diferentes substancias orgánicas, previamente elixidas de acordo cos seus intereses. Os aminoácidos L-fenilalanina e L-arginina, a cafeína e a glucosa, o ácido acético, o trinitrotolueno e os alcohois etoxietanol e etilenglicol foron algunhas das seleccionadas.
A actividade desenvolveuse ao longo de varias sesións nas que, en primeiro lugar, houobo que procura-la información, elixie a substancia e analizar e debuxa-la molécula a construír. Unha vez realizado isto, pintáronse as bólas de porexpan necesarias para cada molécula de acordo co código de cores indicado (vermello o átomo de osíxeno, azul o de nitróxeno e deixouse en branco o hidróxeno). A seguir, preparáronse os garabullos de madeira para realiza-los enlaces e contruí-las moléculas.
Finalmente, elaboráronse os documentos coa información das diferentes substancias representadas e creáronse códigos QR vencellados á información de cada substancia, así como da cartela identificativa da mesma, e montaxe da exposición. Unha vez, realizado todo ese traballo, presentouse na exposición nas vitrinas da entrada do centro, tal como podemos ver estes días.
Aquí se pode ver un vídeo da exposición.
Por fin, este ano, despois da pandemia de COVID-19, xa podemos disfrutar dun entroido normal e corrente. No centro, celebrarase o concurso de disfraces e hai no vestíbulo unha expsición de máscaras, libros e obxectos diversos relacionados co entroido e co carnaval de diversos sitios. Abofé que é ben curiosa.
Durante toda esta semana pódese ver no vestíbulo do centro unha exposición na que se conmemora o 180 aniversario do noso centro e que está organizada arredor do título “180 anos da nosa historia: 1842-2022”.
Este é un dos actos previsto para a dita conmemoración pero non o único, pois o vindeiro mércores 30 de novembro, o catedrático de Xeografía e Historia, e antigo profesor do centro, Antonio Prado vai impartir unha conferencia titulada “Por que foi Lugo a sede do instituto”, e na que nos falará das causas polas que o noso centro é o Instituto Decano de Galiza, o primeiro instituto e un dos máis antigos de España.
Será ás 10’30 no Salon de Actos. Tamén a conferencia se emitirá en streaming, polo que se poderá seguir online e, igulamente, en breve, se subirá o vídeo á nosa canle de YouTube, para que permaneza para a posteridade.
Dende o luns, pódese ver no vestíbulo do noso centro, unha exposición de tubos de descarga que pertencen á colección histórica do que demos en chamar “Museo Pedagóxico do IES Lucus Augusti“.
Estes tubos consisten en tubos pechados que conteñen, polo menos, dous electrodos, un ánodo e un cátodo, que cando reciben unha alta voltaxe emiten electróns e gas.
A exposición levouse a cabo por mor dunha relación interdisciplinar entre o Departamento dos Ciclos e mailo Departamento de Química. Aquí tedes un vídeo para podelo ver con detemento na casa.
Aquí temos, xa rematando o curso, unha exposición do Departamento de Plástica que presenta unha escolma dos principais traballos realizados por algúns dos seus alumnos. O tema era a representación de varias aves e paxaros, e podémolos ver co nome común e, tamén, co nome científico.
Velaí temos por fin o vídeo sobre a exposición con fondos da biblioteca que está ao dispor de tódolos usuarios da Biblioteca. É un vídeo curtiño porque por mor das medidas COVID non se puido empregar un espazo moi amplo. Pero, coidamos, que é suficiente para poder conmemorar a esta gran poetisa.
Xela Arias. Día das Letras Galegas 2021
Este 8 de marzo, puidemos ver como as paredes e outros espazos se enchían de notas realizadas por alumnos e alumnas con mensaxes alusivas a esta conmemoración.
Foi unha acción coordinada co Club de Letras e serviu para facer notar, máis unha vez, que hai que ocupar os espazos porque se non, non se existe. O vídeo que se realizou e que podedes ver, amosa esa intervención.
Tamén se expón na Biblioteca unha mostra da obra da ilustradora Micaela Campanini Cáffaro, que presenta no IES Lucus Augusti a súa exposición “Mulleres que…“, unha iniciativa persoal para a visibilización das mulleres ao longo da historia. Tamén se completou cunha clase maxistral na que participou o alumnado no Salón de Actos. Aquí temos o vídeo de toda a actividade.
Estamos aquí
O PESQUISADOR DO PAÍS
Blogue das Bibliotecas Escolares
As nosas novidades
A nosa videoteca
NOVEMBRO, MES DA CIENCIA EN GALEGO
Licencia do Blogue
Este obra está baixo unha licenza de Creative Commons Recoñecemento-NonComercial-CompartirIgual 4.0 Internacional.
Séguenos…
Comentarios recentes