O día 18 de xaneiro a Fundación MOP (Marta Ortega Pérez) ofreceunos a oportunidade de visitar a expo FACT AND FICTION de Helmut Newton, posiblemente o fotógrafo de moda máis influente do século XXI.
Sabemos ver unha fotografía? É necesario aprender a ler unha fotografía? Ou é suficiente simplemente con plantarse diante e mirar? Interpretamos imaxes ou consumimos imaxes?
Aínda que Helmut Newton é un fotógrafo de moda, e a fotografía de moda en principio non presenta moito contido dificil de interpretar, a Fundación MOP ofrece uns talleres onde un fotógrafo profesional se encarga de “enfocarnos” a ollada sobre algúns aspectos moi interesantes das súas obras. Un deles é o concepto de METAFOTOGRAFÍA. Ese é o tema de todas as fotos que tivemos expostas feitas polos alumnos de 1º e 2º de BAC no taller. En todas aparece o modelo real, o modelo reflexado e o fotógrafo ca cámara.
Etiqueta: exposición (Páxina 1 de 3)
Parece que o 11 de Novembro é unha data inspiradora. Como outros anos, o Departamento de Alemán organiza unha preciosa actividade para dar a coñecer a cultura alemá e as súas tradicións. Neste ano, o alumnado de 3º de ESO implicouse a fondo nos traballos presentados.
Para coñecer as orixes do Laternenfest e o Sankt Martinsumzug, así como o fabuloso traballo feito, podedes ver o seguinte vídeo. Parabéns!
O alumnado do Club de Ciencia do IES Lucus Augusti construíu moléculas de diferentes substancias orgánicas, previamente elixidas de acordo cos seus intereses. Os aminoácidos L-fenilalanina e L-arginina, a cafeína e a glucosa, o ácido acético, o trinitrotolueno e os alcohois etoxietanol e etilenglicol foron algunhas das seleccionadas.
A actividade desenvolveuse ao longo de varias sesións nas que, en primeiro lugar, houobo que procura-la información, elixie a substancia e analizar e debuxa-la molécula a construír. Unha vez realizado isto, pintáronse as bólas de porexpan necesarias para cada molécula de acordo co código de cores indicado (vermello o átomo de osíxeno, azul o de nitróxeno e deixouse en branco o hidróxeno). A seguir, preparáronse os garabullos de madeira para realiza-los enlaces e contruí-las moléculas.
Finalmente, elaboráronse os documentos coa información das diferentes substancias representadas e creáronse códigos QR vencellados á información de cada substancia, así como da cartela identificativa da mesma, e montaxe da exposición. Unha vez, realizado todo ese traballo, presentouse na exposición nas vitrinas da entrada do centro, tal como podemos ver estes días.
Aquí se pode ver un vídeo da exposición.
Este 8 de marzo, puidemos ver como as paredes e outros espazos se enchían de notas realizadas por alumnos e alumnas con mensaxes alusivas a esta conmemoración.
Foi unha acción coordinada co Club de Letras e serviu para facer notar, máis unha vez, que hai que ocupar os espazos porque se non, non se existe. O vídeo que se realizou e que podedes ver, amosa esa intervención.
Tamén se expón na Biblioteca unha mostra da obra da ilustradora Micaela Campanini Cáffaro, que presenta no IES Lucus Augusti a súa exposición “Mulleres que…“, unha iniciativa persoal para a visibilización das mulleres ao longo da historia. Tamén se completou cunha clase maxistral na que participou o alumnado no Salón de Actos. Aquí temos o vídeo de toda a actividade.
Hoxe presentamos o vídeo da exposición fotográfica que titulamos como “Retallos“, e que se enmarca dentro dos actos conmemorativos do 175 aniversario.
Desta volta, pódense ver fotografías de tempos pasados onde cátedros levaban de excursión aos alumnos ou onde celebrábanse derbis futbolísticos “alumnos contra profes“.
Aproveitando que este ano o lema das Bibliotecas Escolares era “Territorio das artes“, presentamos a exposición que levamos a cabo a comezos deste mes con fondos da Biblioteca relacionados coas artes (libros de arquitectura, películas sobre artistas, Banda deseñada…) e, ao mesmo tempo, presentouse a actividade titulada co lema “Outras miradas” na que o alumnado de Plástica amosaba a súa interpretación de diversas obras artísticas. Aquí tedes o vídeo das súas exposicións.
Faltando case nada para o remate do curso, publicamos un vídeo onde podedes ver a interesante exposición de moedas castrexas (premoedas) e romanas, ás que faciamos referencia nunha nota anterior. Vai ser recollida de contado, polo que é o xeito de que permaneza na rede e que a podamos ver noutros instantes.
De novo, agradecemos ao propietario que nos ofrecera a súa visión.
Hai pouco un noso alumno de 2º de BAC, Obed Marshall, presentaba unha exposición con varios dos seus traballos. Obed xa tiña colaborado en anos anteriores noutras exposicións e traballos realizados pola Biblioteca en colaboración con outros departamentos e con Orientación. Así, varios dos seus deseños foron carteis anunciadores do Día contra a Violencia de Xénero, nos pasados novembro de 2014 e 2015.
Nesta ocación, amosamos un vídeo que inclúen imaxes das obras presentadas na exposición anterior, titulada “Entre papeis e pinceis“, co que queremos agradecerlle a colaboración durante estes anos no Centro e desexarlle sorte nos estudos que comece na universidade o vindeiro curso.
Para conmemorar o Día do Libro, xunto co Departamento de Lingua Castelá e Literatura estes días pódese visitar, no vestíbulo de entrada, a exposición NUESTROS LIBROS, NUESTRA HISTORIA, na que se poden ver unha morea de exemplares que pertencen aos fondos da Biblioteca Histórica do noso centro.
Neste caso, son libros que van dende o ano 1587, o máis antigo, ata finais do século XIX, e aparecen obras como o “Teatro Crítico Universal” de frei Benito Feijóo, ou unha “Gramática de la Lengua Castellana“, editada en 1796 pola Real Academia Española, unha edición de 1783 das “Novelas Ejemplares” de Cervantes ou o “Sistema de los vegetales” de Linneo, editado en 1778.
Pero se prefires ver as imaxes individualmente, preme na imaxe
Pasados xa varios días dende que se presentara a exposición “O ensino polo aspecto“, que está reseñada unhas notas antes, podemos ver hoxe na rede un pequeno artigo no xornal “El Progreso” no que se fai referencia dela. Polo seu interese deixamos aquí a ligazón.
No artigo, destácase o papel didáctico e visual das placas de cristal dende finais do XIX até a década dos 40 do século XX que será cando comezan a aparecer as diapositivas.
Estamos aquí
O PESQUISADOR DO PAÍS
Blogue das Bibliotecas Escolares
As nosas novidades
A nosa videoteca
NOVEMBRO, MES DA CIENCIA EN GALEGO
Licencia do Blogue
Este obra está baixo unha licenza de Creative Commons Recoñecemento-NonComercial-CompartirIgual 4.0 Internacional.
Séguenos…
Comentarios recentes