Categoría: Sen clasificar (Páxina 3 de 3)
Remata xa este curso para os alumn@s/compañeir@s de 2º de BAC. Este é, polo tanto, un bo momento para lembrar instantes que sempre estarán presentes nos nosos recordos e tamén nos vosos, esperamos.
Vaia este pequeno agasallo, en forma de video, con nosos mellores desexos no porvir que agora agroma. Ata sempre…
Podcast: Play in new window | Download
Velaí xa temos a primeira colaboración. Trátase dun relato escrito por unha compañeira do Centro. A ver que vos parece. E ánimo que precisamos tamén de críticas das lecturas ou das películas que teñades lido ou visto recentemente.
[kml_flashembed movie="" width="500" height="700" wmode="transparent" /]
Visto pola Internet, velaí está a proba de que as Tecnoloxías da Información son xa tan parte da nosa vida que, mesmo, nestas datas tamén son imprescindibles. Se tes altofalantes, préndeos para te embeberes do espírito navideño. Que vos traian moitos agasallos.
[kml_flashembed movie="http://www.youtube.com/v/tgtnNc1Zplc" width="500" height="400" wmode="transparent" /]
Estamos lanzados. Hai uns días, a Deputación da Coruña decidiu dar o premio “Rosalía de Castro” á web “Blogaliza.org” que é a que nos ofrece o espazo no que se publica este blog. Ese premio concédese a entidades, grupos etc., que pulan por lle dar presenza ao galego.
Blogaliza acubilla a case tres mil dos nove mil blogues que, se calcula, escriben e manteñen o galego na rede e ten tamén parte noutra serie de inicativas a prol da lingua. Xa que logo é un bo día para estar de festa.
E, por suposto, parabéns para Pedro, Tati e toda esa xentiña que nos facilita este pequeno recuncho. Se alguén o merece, está claro que son eles. Dende aquí un cariñoso saúdo por facilitármonos os medios.
Levaba varios días coa nota anterior no forno e xa me corría présa pois pasaba o tempo. Xusto vén de aparecer a última -derradeira?- alusión que corre pola rede referida a unhas declaracións de Rosa Díez, principal representante dun partido político chamado UPyD, e que é segundo a última enquisa do CIS (Centro de Investigacións Sociolóxicas) a política máis valorada neste momento en España, por diante do Presidente de Goberno e do Presidente do principal partido da oposición.
Bueno, pois o tema está en que o pasado día 23 en “Cuatro” fanlle unha entrevista relativamente ampla e, nun momento dado, pídeselle que realice un xuízo de valor, precisamente sobre os dous políticos antes mencionados. Dende ese momento, a rede, o Tuenti, o Facebook comeza a arder. En torno ao minuto 5, do vídeo que de seguido aparece tes a clave.
Ti que opinas?
[kml_flashembed movie="http://www.youtube.com/v/7_2CrYs0VY4" width="500" height="400" wmode="transparent" /]
Hai un sentido desta palabra? Despois dos últimos cambios no significado da palabra no “Dicionario da Real Academia de la Lengua Española”, que quere dicir a palabra “gallego“. Pica no concepto e o saberás.
O pasado día 15 celebrouse a Gala por excelencia do cine español: os Premios Goya. Todo o mundo, quen máis ou quen menos, ten visto algunha ou moitas das películas alí propostas e, nos días seguintes, ten comentado coas amizades ou cos compañeiros sobre se esta “peli” estaba ben ou se aquel premio estaba mal.
Mais na Galiza, e noutros mundos fóra dela, moita xente estaba a laricar sobre a intervención de Luís Tosar. Si ho! O Tosar, xa sabes. Aquel rapaz de Cospeito -non de Xustás, que dicía el-, que estudou no Feminino de Lugo, que debecía por facer Teatro polas tardes, o de “Mareas Vivas”.
Non se falaba tanto do premio -todo aquel que viu “Celda 211” tiña claro que ía gañar por goleada- como de que ao final da súa intervención pronunciou unha parte dos agradementos á súa xente en Galego. Nos momentos en que hai unha certa controversia sobre o papel das linguas -da nosa lingua-, el tivo a ousadía de empregar esta lingua que aínda resiste, en toda unha gala do cine español. En horario de “prime time”; que se di así, seica.
Mais o mellor de todo sabedes que foi? Que alí estaban o noso Presidente da Comunidade Autónoma e o seu Conselleiro de Cultura. Unha mágoa que como eles non tiveron premio, non os sacaron na tele. Non por nada, tan só por ver a cara que poñían fronte á devandita intervención lingüistica.
Aquí podes ve-lo vídeo, se é que aínda non o viches.
[kml_flashembed movie="http://www.youtube.com/v/JyXT-kL4vu0" width="500" height="400" wmode="transparent" /]
Hoxe damos comezo á primeira nota deste blogue da Biblioteca do noso centro, o IES “Lucus Augusti” de Lugo. E tamén queremos comezar atendendo a unha das conmemoracións máis relevantes destes días . Falo do Día Internacional contra a violencia de Xénero. Para nos facer partícipes de tal efeméride, presentamos unha presentación realizada polo equipo da Biblioteca do IES “Sánchez Cantón“ de Pontevedra.
De seguido, tes unha presentación creada polo IES de Teis que tamén resulta espectacular. Hai que ter un pouco de paciencia pois tarda algo en cargar pero paga a pena a espera.
Agora ben, non é un fenómeno exclusivamente galego, nin español nin europeo tan sequera. Aquí tes un fregmento da campaña que sobre este tema están a facer en México.
[kml_flashembed movie=”http://www.youtube.com/v/bzxzAWu2_MY” width=”500″ height=”400″ wmode=”transparent” /]
Amosámosche como exemplo esta campaña de México porque os poderes públicos non sempre fan ben as cousas. Para mostra ben vale un botón. Non hai máis que ler esta noticia aparecida recentemente no xornal “El País” na que se fai referencia a un feito sangrante: o asasinato e desaparición de mulleres en Ciudad Juárez (México). Se queres consultalo, preme na fotografía.
Hoxe en día, aquí, hai unha certa conciencia social e este tipo de violencia comeza a ser rexeitado socialmente. Pero séguense a producir casos. Sería desexable non ter que facer máis campañas destas. Mentres tanto, é ben lembrar que é responsibilidade de todos rematar con esta lacra. Ti que opinas?
Bemvido a blogaliza.org. A tua primeira anotacion. Podela editar, ou borrar. Faino, e comeza a participar no blogomillo!!
Estamos aquí
O PESQUISADOR DO PAÍS
Blogue das Bibliotecas Escolares
As nosas novidades
A nosa videoteca
NOVEMBRO, MES DA CIENCIA EN GALEGO
Licencia do Blogue
Este obra está baixo unha licenza de Creative Commons Recoñecemento-NonComercial-CompartirIgual 4.0 Internacional.
Séguenos…
Comentarios recentes