Categoría: Conmemoracións (Páxina 1 de 10)

23 de febreiro-Día de Rosalía

25 Febreiro, 2023 / maghoi / 0 comentarios

Chegou o 23. Como tódolos anos, a AELG (Asociación de Escritores e Escritoras en Lingua Galega), encarga a unha figura sobranceira da cultura a realización do manifesto que será lido no acto central do Día de Rosalía de Castro, o sábado 25 de febreiro no Panteón de Galegos Ilustres, en Santiago de Compostela.

Este ano Carme Adán foi a persoa escollida para a redacción do Manifesto da AELG que tamén será lido en todos os actos promovidos pola AELG, así como nos organizados por outras entidades que se sumen ás propostas que a entidade remite a concellos, asociacións e centros de ensino.

O lema escollido para este 2023 foi: #cumpriuseaxustiza, e o manifesto completo o podes descargar aquí.

No centro, levouse a cabo a lectura do manifesto, houbo a exposición de retratos realizada por rapaces da ESO e repartíronse cartaces como o que vén a continuación cunha imaxe de Rosalía e unha parte do menifesto. A seguir, pódelo ver todo na seguinte galería.

Día de Rosalía

18 Febreiro, 2023 / maghoi / 0 comentarios

O vindeiro 23 de febreiro é cando se celebra o Día de Rosalía, a nosa poetisa nacional. Desta volta, os rapaces de Debuxo Artístico II elaboraron diversos traballos compostos por unha versión de retrato e un dos poemas rosalianos. Participaron o Equipo de Dinamización da Lingua Galega e o Equipo de Biblioteca.

Velaí podedes ve-lo vídeo (premede na imaxe) co resultado. Este vídeo será proxectado nas clases ese día e, ás 11’15, haberá un acto no vestíbulo do Instituto.

E a seguir, tedes aquí un Genially, realizado entre os Equipos de Dinamización Lingüística de varios CEIP da Coruña e outro de Ourense nos que podes pór a proba os teus coñecementos sobre Rosalía.

**P r e m e a q u í p a r a v e –l o Genially de Rosalía**

Conmemoración 180 aniversario

21 Novembro, 2022 / maghoi / 0 comentarios

Durante toda esta semana pódese ver no vestíbulo do centro unha exposición na que se conmemora o 180 aniversario do noso centro e que está organizada arredor do título “180 anos da nosa historia: 1842-2022”.

Este é un dos actos previsto para a dita conmemoración pero non o único, pois o vindeiro mércores 30 de novembro, o catedrático de Xeografía e Historia, e antigo profesor do centro, Antonio Prado vai impartir unha conferencia titulada “Por que foi Lugo a sede do instituto”, e na que nos falará das causas polas que o noso centro é o Instituto Decano de Galiza, o primeiro instituto e un dos máis antigos de España.

Será ás 10’30 no Salon de Actos. Tamén a conferencia se emitirá en streaming, polo que se poderá seguir online e, igulamente, en breve, se subirá o vídeo á nosa canle de YouTube, para que permaneza para a posteridade.

Vídeo sobre a exposición do 8 de marzo

30 Marzo, 2022 / maghoi / 0 comentarios

A seguir, podemos contemplar algunhas das creacións realizadas polo alumnado de Plástica para conmemorar o 8 de marzo

Vídeo sobre a exposición conmemorativa do 8 de marzo

Día Internacional da Internet segura

8 Febreiro, 2022 / maghoi / 0 comentarios

O 8 de febreiro, celébrase o Día internacional da Internet Segura, baixo o lema “Xuntos por unha Internet mellor“.

**8 de febreiro – Día Intenacional da Internet Segura**

Este evento, segundo UNICEF, celébrase cada ano dende 1997, para darlle pulo, informar e educar nun uso responsábel, respectuoso, crítico e creativo da rede. Ademais, é un día para lembra-la importancia de protexe-los dereitos da infancia na Internet”.

En Europa, está promovido por un organismo da Comisión Europea, que é a rede INSAFE/INHOPE, e que se centra fundamentalmente na mocidade para potenciar un uso seguro e positivo das TIC.

Hoxe, máis que nunca, cómpre incidir neste tipo de ideas pois vemos como as redes sociais están a chegar cada vez máis á xente nova quen, na maior parte dos casos, carece da titorización necesaria, a información ou o control debido por parte dos pais. Día si e outro tamén, aparecen novas nas que a mocidade é protagonista de sucesos que teñen que ver co acceso temperán á pornografía, o uso das redes para facer/sofrer “bulling” ou, cada vez, é fomentada a adición ao xogo on-line.

Os dous recursos que veñen a seguir, son unha actividade ofrecida por e-vocación para realizar na clase co alumnado até 4ºESO e un vídeo creado pola propia UNICEF. Námbolos dous casos, o que se pretende é fomentar un debate necesario sobre como empregamos e como debemos empregar as rede. Para acceder ao documento de e-vocación, non tes máis que premer sobre a imaxe do cartaz anterior.

25 de novembro

24 Novembro, 2021 / maghoi / 0 comentarios

Un ano máis chega a conmemoración do Día contra a violencia de xénero. Desta volta, estamos aínda inmersos na epidemia da COVID-19, e preparamos aquí un feixe de recursos que se poden traballar nas clases ou mirar individualmente en procura de información.

En primeiro, lugar, presentamos un folleto de banda deseñada en formato pdf, titulado “Pillada por ti“, realizado polo Ministerio de Sanidade, Política Social e Igualdade e que se editou en tódalas linguas do estado, e aquí podemos acceder á versión en galego.

A seguir, temos tamén un folleto, tamén editado polo mesmo ministerio, que vén sendo unha completa guía, en forma de díptico, onde se presenta toda a información precisa para o caso de que suframos ese problema ou coñezamos a alguén que o está a sofrer.

Tamén aparecen, moi sintetizadas, unha serie de ideas que nos porán na pista e nos servirán para poder distinguir condutas que teñen que ver con ese tipo de violencia.

Outro recurso interesante é o presentado por Alicia G Montano e RTVE, no que mediante un par de vídeos nos lembran quen foi a primera vítima recoñecida como tale e tamén nos facilita distinguir entre conceptos que, ás veces, mesturamos, como son: “violencia de xénero”, “violencia doméstica!, “violencia intraxénero” ou “violencia “machista”.

Finalmente, temos dous folletos editados por dous sindicatos do ensino. Un deles, é da CIG e se titula: “TRABALLANDO A PREVENCIÓN da violencia de xénero na adolescencia“. O outro é de STEG, e se titula: “Vive en igualdade, vive sen violencia“

Xela Arias – Letras 2021 (II)

12 Maio, 2021 / maghoi / 0 comentarios

Presentamos un feixe de recursos para poder empregar nas aulas , se cómpre.

Sempre é ben comezar polo artigo correspondente na Galipedia.

En Brétemas.gal, Manuel Bragado, o ex-xefe de Edicións Xerais de Galicia, ofrécenos unha pequena recompilación de notas arredor da figura de Xela. Especialmente curioso é a “Chiografía”, onde tódolos días dende comezos do ano, publicou un chío co tema “Xela”. Hai fotografías, ligazóns e cousas curiosas.

Moi interesante é o aporte realizado dende o CPI Dices-Rois onde un grupo de alumnos de 4 de ESO coa axuda do Departamento de Lingua Galega montan un Telexornal sobre a vida de Xela Arias, e que colocamos a seguir.

Xera Arias – Letras 2021 (I)

10 Maio, 2021 / maghoi / 0 comentarios

As institucións xa comezan a presentar materiais para a conmemoración do Día das Letras Galegas, este ano adicado a Xela Arias.

A Academia tamén ten o seu espazo adicado a Xela. Amais de varios apartados literarios, amosa unha serie documental, cuxa primeira achega é este vídeo de 12 minutos, titulado “Xela Arias. A palabra esgazada“, que tes aquí.

Igualmente, o Consello da Cultura Galega presenta, tamén, estoutro vídeo titulado “Xela Arias e a palabra” con entrevistas a diversos persoeiros que a coñeceron ou a leron.

Conferencia en streaming

12 Abril, 2021 / maghoi / 0 comentarios

O 30 de marzo de 1921 falecía en Lugo Valentín Portabales Blanco, un emblemático profesor deste Instituto que exerceu como director do mesmo durante catro décadas.

Tamén foi un docente a quen recordaron con agarimo e respecto moitos lucenses de prestixio que tiveron a honra de ser discípulos seus, como Antonio Correa Fernández, Jesús Rodríguez López ou Prudencio Iglesias Hermida, como, así mesmo, outros escritores e intelectuais que o coñecían e foran testemuñas da súa competencia, bondade e popularidade, como Antonio Couceiro Freijomil ou Ánxel Fole.

Este centro, que comprobou a xenerosidade persoal de don Valentín coa doazón da súa biblioteca e doutros prezados obxectos persoais, entre eles o bastón que se lle concedera como director honorario, quere agora recordar o centenario da súa morte co envío da publicación que fai algúns anos redactou na súa memoria o profesor Antonio Prado, ao mesmo tempo que invita a todos os interesados a asistir ao acto que na homenaxe de don Valentín Portabales se ofrecerá por videoconferencia o día 14 de abril de 2021, de 11:00 h a 12:00 h.

Para unirte, preme nesta ligazón que te levará á Sala Virtual da Conferencia .

8 de marzo

8 Marzo, 2021 / maghoi / 0 comentarios

Outro ano máis chega o 8 de marzo e, desta volta, con toda a polémica sobre se co problema da Covid-19 a voltas, deberíanse celebrar ou non as concentracións e manifestacións. Aínda que hai argumentos de todo tipo, mesmo razonables, quizais habería que lembrar o que pasou este domingo ao carón de varios campos de fútbol. Porén non temos que despistármonos pois, ao mesmo tempo que se está a debater a cuestión, a violencia segue aí facendo das súas, como no caso de Valencia.

Por iso, nesta ocasión só vos recomendamos un par de cousiñas. En primeiro lugar, un vídeo da TVG sobre a orixe da celebración do 8 de marzo.

Se queres saber máis, tes cumprida información no artigo da Galipedia, aquí. E para rematar, estas son as nosas recomendacións lectoras sobre o tema. Todas son obras que podes pedir na Biblioteca… e moitas máis.