O pasado 16 de xaneiro, os alumnos de Historia do Mundo Contemporáneo de 1º BAC D visitaron acompañados pola súa profesora as instalacións do Arquivo Histórico Provincial de Lugo. Ademais de coñecer a función que cumpren os arquivos, puideron acceder ás distintas dependencias: depósitos, salas de consulta e catalogación. Pero, sen dúbida, foi a sala destinada á restauración de documentos a que suscitou unha maior curiosidade.
Tamén aproveitamos a ocasión para facer unha viaxe no tempo da man do fotógrafo José luis Vega, protagonista da exposición “A cidade e as xentes. 1970-79” e coñecer como era Lugo nesta década, de profundos cambios no noso país.
Quen sabe! Ao mellor desta visita sae un futuro historiador ou historiadora.



Comentarios recentes