Etiqueta: Claudio Rodríguez Fer

Presentación dun poemario do presidente da RAG na Libraría Biblos

21 Febreiro, 2017 / Admin / 0 comentarios

Ola a tod@s! O vindeiro xoves, día 23, na libraría Biblos e en colaboración coa editorial Xerais farase a presentación do libro de poesía de Xesús Alonso Montero (presidente da RAG): ” VERSOS DUN FISTOR REPUBLICANO, MARXISTA, ATEO E UN POUCO EPICÚREO”.

Contará na presentación coa inestimable presenza de Claudio Rodríguez Fer e tamén de Manuel Bragado, en representación da editorial Xerais, na que será seguro unha obra poética de referenza e lembranzas para moita xente.

Velaí téde-lo cartel do acto. presentacion-versos-dun-fistor-correo

Chégannos…frescas

12 Abril, 2013 / bibliolucus / 0 comentarios

Chégannos un feixe de novas da Librería Biblos, para os vindeiros días.

Así,o venres 12 ás 19’oo h. haberá un contacontos de balde para cativos de infantil e primaria.

E de seguido, ás 20’00 h. faise a presentación en Lugo da novela de Xosé Mª Lema “Costa do solpor“, editada por Xerais. O acto contará tamén coia participación, a maiores do autor, de Primitivo Iglesias e de Manuel Bragado , director da editorial. Esta obra, finalista do “premio Xerais”, conecta a novela tradicional de aventuras como “A illa do tesouro” coa xeografía galega da Costa da Morte.

O martes 16 de abril, ás 20’15h. , haberá un acto no que se contará con Xesús Alonso Montero, antigo profesor do noso centro, e un dos actuais candidatos á Presidencia da Real Academia Galega. No acto, tamén participarán os poetas lucenses Claudio Rodríguez Fer e Carmen Blanco.