No ano 1973, o alumnado de 4º de Bacharelato, aquel que con 14 anos remataba o grao elemental e se preparaba para a súa reválida, elaborou este pequeno libro con diversos obxectivos obxectivos: dar publicidade á Declaración dos Dereitos do Neno, proclamada pola ONU en 1959; obter fondos coa súa venda para a excursión de fin de curso; e contribuír á difusión da lingua e da cultura galega. Na dúa elaboración interviron máis de 40 persoas baixo a direción do catedrático do Instituto Xesús Alonso Montero. Curioso e reivindicativo. Unha pequena xoia.
Mes: Xaneiro 2025
O pasado 16 de xaneiro, os alumnos de Historia do Mundo Contemporáneo de 1º BAC D visitaron acompañados pola súa profesora as instalacións do Arquivo Histórico Provincial de Lugo. Ademais de coñecer a función que cumpren os arquivos, puideron acceder ás distintas dependencias: depósitos, salas de consulta e catalogación. Pero, sen dúbida, foi a sala destinada á restauración de documentos a que suscitou unha maior curiosidade.
Tamén aproveitamos a ocasión para facer unha viaxe no tempo da man do fotógrafo José luis Vega, protagonista da exposición “A cidade e as xentes. 1970-79” e coñecer como era Lugo nesta década, de profundos cambios no noso país.
Quen sabe! Ao mellor desta visita sae un futuro historiador ou historiadora.
Organizada polo Departamento de Alemán do IES Lucus Augusti, exhíbese no vestíbulo do noso instituto unha exposición sobre este escritor bohemio de lingua alemá baixo o título “Frank Kafka: un hombre de su tiempo y también del nuestro”. Os paneis, creados polos Centro Checo, dependente do Ministerio de Asuntos Exteriores da República Checa, foron proporcionados por AGAXE (Asociación Galega de Xermanistas) e a EOI de Santiago de Compostela. Poderán visitarse ata o 21 de xaneiro de 2025.
Estamos aquí
O PESQUISADOR DO PAÍS
Blogue das Bibliotecas Escolares
As nosas novidades
A nosa videoteca
NOVEMBRO, MES DA CIENCIA EN GALEGO
Licencia do Blogue
Este obra está baixo unha licenza de Creative Commons Recoñecemento-NonComercial-CompartirIgual 4.0 Internacional.
Séguenos…
Comentarios recentes