Un outro blogue en galego de Wordpress

Categoría: Curso 2023-2024 (Páxina 1 de 2)

Novo premio para o noso alumnado

Incrúst@te é un proxecto de divulgación científica realizado pola CICA (Centro Interdisciplinar de Química e Bioloxía) dende o ano 2017 en colaboración coa Fundación Española para a Ciencia e a Tecnoloxía (FECYT)-Ministerio de Ciencia, Innovación e Universidades.

Este 2024 seleccionáronse a 17 alumnos/as dos cales, 4 foron alumnas/os de ciclos de FP de Química do IES LUCUS AUGUSTIYolanda Rey Ares, Óscar Presno Iglesias, Noelia Armesto Mera e Sofía Díaz Otero. Estas/os alumnas/os estiveron “incrustadas/os” nos laboratorios do CICA aprendendo cos investigadores/as da UDC os procedementos que se empregan para facer unha investigación no eido da química.

Como resultado, e grazas á colaboración da profesora Marta Rodríguez Quiroga, os alumnos presentaron as experiencias vividas nun Congreso Científico celebrado o pasado 27 de abril no Museo DOMUS da Coruña. Ademais de poder vivir a experiencia, Yolanda Rey Ares e Óscar Presno foron seleccionados polo tribunal para desfrutar dunha nova estancia de dúas semanas no CICA.

Homenaxe a Xesús Alonso Montero

Presentamos o vídeo que recolle toda a homenaxe que o noso centro tributou a Xesús Alonso Montero, insigne profesor durante 16 ano, o pasado 19 de abril. As primeiras imaxes recollen a chegada dos asistentes ao vestíbulo e as primeiras apertas e remata co xantar de confraternización, pasando por algunhas das intervencións no Salón de Actos. Foi un emotivo acto no que, entre outros, interviñeron antigos alumnos como Perfecto Conde, Fernando Ónega, ou Paco Martín.

Excursión a Ponferrada, 4 Abril, 2024

Organizada polo Departamento de Física e Química para 3º de ESO, foi unha excursión moi didáctica na que visitamos o Museo da Enerxía e o Museo do Ferrocarril. A visita completouse cunha actividade de taller na que o alumnado tivo que construír un pequeno coche con batería. No vídeo, un resumo da excursión.

8 de Marzo, 2024

Como ben sabemos, o 8 de Marzo celébrase o Día Internacional da Muller. Este ano fíxose unha actividade multidisciplinar baixo o epígrafe de “Mulleres brillantes”. A elas dedicámoslle a nosa homenaxe. No vídeo temos un resumo do feito.

Exposición: maquetas de ADN

RESUMO DA ACTIVIDADE:

– As maquetas foron realizadas polos alumnos de 4º ESO de bioloxía e xeoloxía (4º A e 4º B).
– A finalidade da actividade era que comprendesen a estrutura do ADN. Unha vez estudiada a súa estrutura secundaria (modelo da dobre hélice de Watson e Crick), os alumnos debían construír unha maqueta (modelo tridimensional) desta biomolécula.
– Para realizar a maqueta podían utilizar diferentes materiais, cada un os que quixera. Despois de ver vídeos de YouTube nos que facían maquetas de ADN con diferentes materiais: gominolas, papel (origami), bolas e palillos, etc., os alumnos podían escoller algunha desas ideas, ou podían optar por facer a maqueta libremente, utilizando os materiais que eles quixeran.
– A maqueta podía ter unha lenda, onde se indicara o que é cada elemento.
– Unha vez feita a maqueta, tiñan que saber explicar a estrutura do ADN ou contestar a preguntas concretas feitas pola profesora, baseándose na súa maqueta.
– Por último, debido ó esforzo por parte dos alumnos e ó ben que quedaron as maquetas, expuxéronse na entrada do instituto.

Exposición Helmut Newton e taller de metafotografía (departamento de Plástica)

O día 18 de xaneiro a Fundación MOP (Marta Ortega Pérez) ofreceunos a oportunidade de visitar a expo FACT AND FICTION de Helmut Newton, posiblemente o fotógrafo de moda máis influente do século XXI.

Sabemos ver unha fotografía? É necesario aprender a ler unha fotografía? Ou é suficiente simplemente con plantarse diante e mirar? Interpretamos imaxes ou consumimos imaxes?

Aínda que Helmut Newton é un fotógrafo de moda, e a fotografía de moda en principio non presenta moito contido dificil de interpretar, a Fundación MOP ofrece uns talleres onde un fotógrafo profesional se encarga de “enfocarnos” a ollada sobre algúns aspectos moi interesantes das súas obras. Un deles é o concepto de METAFOTOGRAFÍA. Ese é o tema de todas as fotos que tivemos expostas feitas polos alumnos de 1º e 2º de BAC no taller. En todas aparece o modelo real, o modelo reflexado e o fotógrafo ca cámara.

Premio a unha alumna

A alumna do IES Lucus Augusti de 3ºESO, Greissy García Herrera, foi a gañadora do concurso Prensa-Escuela organizado por La Voz de Galicia.

Greissy, analizou unha canción de Nathy Peluso, facendo un traballo moi completo ó estudar primeiro a letra da canción, a súa métrica, os recursos lingüísticos utilizados, e, finalmente, os recursos literarios. Parabéns,

Esta é a noticia que saíu no xornal facendo mención á premiada:

Entroido 2024

En colaboración co Equipo de Dinamización Lingüística, presentamos o vídeo da recente exposición que houbo no vestíbulo con vestimentas típicas do Entroido. Desta volta, o motivo protagonista foi o “Felo” que é característico da localidade ourensá de Maceda.

Tamén tivemos no Salón de actos, unha representación do Entroido ribeirao, propio de Chantada e a súa contorna que aparece na segunda parte deste vídeo.

Conferencia: O Instituto de Ensinanza Media de Lugo

Este pasado 7 de Febreiro, Isabel Fernández García, Profesora Ad Honorem da USC, impartiu a conferencia titulada “O Instituto de Ensinanza Media de Lugo”. Neste caso o público asistente non foi exclusivamente alumnado de STEMbach, senón tamén o alumnado de Ciencias de 1º de BAC do noso IES.

A catedrática deu a coñecer algúns dos traballos que tiveron que pasar estas pioneiras científicas para acadar e exercer as súas profesións científicas. Ademais, expuxo o número de licenciadas en ciencias en Lugo por curso académico, as profesións dos pais destas pioneiras, principais profesións que realizaban e outros datos das primeiras científicas da nosa provincia.

Estes e outros datos foron obtidos, entre outros recursos, no arquivo histórico do noso IES e aparecen publicados no libro “Pioneiras de Ciencias de Lugo”, do que a poñente é autora

« Entradas anteriores

© 2024 bibliolucus

Tema por Anders NorenArriba ↑

error

Gústache o blogue? Corre a voz