Un outro blogue en galego de Wordpress

Categoría: Curso 2011-2012 (Páxina 2 de 4)

Día das Letras 2012- Valentín Paz Andrade

Despois de navegar un pouquiño na rede, realizamos unha escolma con materiais para traballar a figura de Valentín Paz Andrade, autor a quen se lle adica este ano o Día das Letras.

O CEIP Condesa de Fenosa propón este xogo de preguntas e respostas sobre o Día das Letras Galegas que traza un itinerario dende a súa xénese ata os nosos días. Dous xogadores poden poñer a proba os seus coñecementos competindo dunha maneira lúdica e didáctica. A xogar!
Webquest do IES de Fene sobre a figura, vida e obra de Valentín Paz Andrade, para a ESO. 
Ligazón directa ao artigo biográfico da Galipedia sobre de Valentín Paz Andrade.
A Coordinadora de ENDL ofrece este mapa conceptual en formato pdf, para poder facer una resumo rápido da súa relevancia como persoeiro fundamental da vida galega na súa época. Atende sobre todo ó seu labor como empresario e político.
Caderno de aula, en formato pdf, que inclúe biografía, bibliografía, escolma poética e actividades sobre a vida e a obra do autor. Autoría: rogosece

Liña do tempo sobre os feitos máis relevantes da vida de Valentín Paz Andrade, fornecida polo IES San Paio de Tui.
Outra webquest, neste caso dende o IES “Ribeira do Louro” d’O Porriño; para 2º ciclo da ESO e 1ºBAC.

_________________________________________

Con todo isto, xa hai material abondo para poder traballar a súa importante figura. Damos as grazas os centros e os seus profes por compartir todo isto  que ten unha enorme calidade. Que os disfrutedes.

Doodle do “Día das Letras”

Si podemos. Hai ocasións nas que un fracaso sabe a victoria e unha victoria a fracaso. Explicámonos. Hai poucos días, navegando por este oceáno que é a Internet víramos unha inciativa de Juan Estévez Pin, datada en febreiro, que nos chamou a atención.  Na web de actuable.es puxera unha petición para que o todo poderoso Google  adicara un “doodle” o día 17 para festexar o “Día das Letras”, e dar máis visibilidade á nosa lingua. Claro! Por que non? Isto fora, máis ou menos, o día 1 de maio. Xa levaba máis dun mes cando víramos tal iniciativa e asináramos a carta. Fumos o asinante 2.826, como se pode ver na captura de pantalla da nota anterior.

Comentamos a iniciativa entre compañeiros e na rede do PLAMBE porque o tempo urxía se se quería chegar ás 5.000 sinaturas necesarias para manda-la carta. Lembrade era o día 1 de maio. A comezos desta semana, 10 días máis tarde, a web de actuable.es  estivo medio parada ao ser absorbida por change.org, unha web semellante pero maior. Xuntouse todo e pasou o tempo que había para que a petición fora tida en conta pero, mentres tanto, a xente seguía a asinar. En a penas 7 días pasouse de  menos de 3.000 a máis de 7.000. É dicir, moitas persoas participaban deste proxecto e vían necesario este tipo de actuación.

Agora que xa pechou o prazo supéranse as 7.000 sinaturas. Máis que suficientes para podelo ter levado a cabo. Para pedir a Google que abra unha fiestra internacional ao galego. Para pedir, incluso,  que todos os seus programas poidan ser empregados en galego, en igualdade con outras linguas.

Foi mala sorte, pero habemos ser positivos. O vindeiro 17 de maio, estaremos alerta e contamos con todos vós para non sermos 7.000, senón moitos máis. Ánimo e “mil primaveras máis para a lingua“.

Exposicións

Vén de rematarse a exposición levada a cabo conxuntamente polos Departamentos de Alemán e de Francés para o alumnado de 2º e 3º da ESO, titulada “Outras linguas, outras culturas“. Nela traballáronse diferentes aspectos sobre a cultura dos países que teñen esas dúas linguas. Así apareceron murais sobre o cine francés con achegas sobre a película “Os rapaces do coro”, ou sobre o protagonista da recente e premiada “The artist”, ou sobre Xoana de Arco. Tamén había outros sobre a empresa suíza Nestlé (as linguas oficiais da Suíza son o francés, o alemán, o italiano e o romanche), e sobre os irmáns Grimm.

Por se non tivestes oportunidade de velos, ou de que os viran os vosos pais, aquí queda unha pequena escolma animada.

[kml_flashembed publishmethod=”static” fversion=”8.0.0″ movie=”http://bibliolucus.blogaliza.org/files/2012/05/Outras-linguas-outras-culturas.swf” width=”500″ height=”350″ targetclass=”flashmovie”]

Get Adobe Flash player

[/kml_flashembed]

Nova sección: Hoxe recomendamos…

Inauguramos unha nova sección na que pretendemos que unha persoa da nosa contorna nos recomende un libro ou unha película. Non é preciso que sexa un libro moi sesudo de “literatura”, que tamén pode ser, senón un libro que teña lido recentemente que lle gustara por calquera razón. E igual coa película. Queremos que sexa totalmente subxectivo pois cada un de nós temos os nosos gustos e non sempre teñen por que ser compartidos. Agora ben, en ocasións, levamos sorpresas.

E trátase diso. Un libro ou unha película que eu non lería, ou non vería, pero que pola insistencia dalgunha persoa próxima, accedo a esa obra e resulta que é interesante. Tenme pasado nalgunha ocasión. E seguro que tamén a vós.

Tamén procuraremos dar algunha información ou algunha indicación máis, a partir de ligazóns na internet, sobre ese libro ou esa película, de tal xeito que, así, poidamos enriquecer aínda máis a nosa experiencia e, quizais, nos poida servir de fontes de información.

De seguido comezamos coa primeira. Tamén se admiten recomendacións e comentarios. Cantos máis haxa, máis divertido será. Ánimo e a participar.

O “Día das Letras” en Google.

Hai xa uns días na web de actuable.es apareceu unha campaña, creada por Juan Estévez Pin, para recoller sinaturas para solicitar a Google que o 17 de maio, “Día das Letras Galegas“, estableza un “doodle” en conmemoración dese día adicado este ano a Valentín Paz Andrade. Non queda moito tempo, pero para participar tan só hai que premer na ligazón do final deste artigo que nos conducirá á folla web, e da-los nosos datos.

Coma quer que sexa que ese mesmo día 17 de maio é ademais o “Día da Internet“, este semella ser un xeito novidoso e chamativo para que a lingua galega teña unha maior presenza internacional.

Apúntaste? Para ir tan só tes que premer na seguinte imaxe.

Día do Libro

Tódolos anos, aló polo 23 de abril celébrase o “Día do Libro“. E, coma case tódolos anos, un dos nosos debuxantes favoritos, con orixes galegas n’A Fonsagrada ademais, amosa a súa particular homenaxe, que hoxe queremos compartir con todos vós. Falamos de Antonio Fraguas “Forges“. Aquí tedes a súa viñeta deste ano.

Centenario de Celso Emilio Ferreiro

Cando se cumpren 100 anos do nacemento dun dos poetas máis relevantes da nosa literatura, Celso Emilio Ferreiro, aquí está a nosa particular homenaxe na que un feixe de alumnos participaron no programa “O son da nosa fala” da Cadena SER, levando a cabo unha lectura de poemas do poeta celanovés.

Coas fotos recollidas durante o acto, fixemos esta pequena montaxe, acompañada dos primeiros versos do poema “Longa noite de pedra“, na voz de Elena Jorreto. Nos créditos tendes unhas ligazóns por se queredes máis infomación.

[kml_flashembed publishmethod=”static” fversion=”8.0.0″ movie=”http://bibliolucus.blogaliza.org/files/2012/04/Celso-Emilio-Ferreiro1.swf” width=”500″ height=”400″ targetclass=”flashmovie”]

Get Adobe Flash player

[/kml_flashembed]

Plan Lector: Departamento de Física e Química

O Departamento de Física e Química acaba de adquirir catro pequenas novelas cuxa lectura recomenda a todos os alumnos, non só aos que cursen física, dado o seu carácter divulgativo.

Os dous primeiros títulos son de Sonia Fernández-Vidal, doutora en Física Cuántica, que naceu en Barcelona en 1978,  e traballou nos centros máis importantes do mundo no seu campo. A súa paixón por divulgar a ciencia a todos os públicos levoulle a escribir estas dúas novelas e a participar en numerosas charlas divulgativas. Neste sentido, ao final da nota podedes ver un pequeno vídeo de 15 minutos titulado “Que é a física cuántica?”, no que Sonia explícanolo dunha forma apaixonante e ao alcance de calquera.

 “La puerta de los 3 cerrojos de Sonia Fernández-Vidal (ed. A Galera. 2011), con 200 páxinas. Saíu hai un ano e xa foi traducida a 11 idiomas. É unha novela de aventuras nas que algúns estraños fenómenos cuánticos (propios do mundo subatómico) maniféstanse de xieto habitual na vida do protagonista, como o efecto túnel, estar en dous sitios á vez ou a teleportación. A probabilidade de que estes fantásticos fenómenos ocorran na vida real é moi pequena, pero é certo que poden ocorrer.

 Quantic love tamén de Sonia Fernández-Vidal (ed. A Galera. 2012), con 235 páxinas, escrita orixinalmente en inglés (aquí está en castelán). O seu protagonista, que acaba de terminar 2º de Bacharelato, pasa o verán no CERN (o centro de investigación máis avanzado do mundo) e, como indica a contraportada do libro, entre experimentos científicos que desafían a imaxinación a moza Laila descobre que a ciencia pode ser sexy e que o amor é a enerxía máis poderosa do Universo.

Os outros dous libros son os seguintes:

Nikola Tesla. Vida e descubrimentos do máis xenial inventor do século XX de Massimo Teodorani, astrofísico italiano (ed. Sirio. 2011), con 127 páxinas. A unidade da intensidade do campo magnético chámase tesla (T) en honra a este científico, que foi un xenio incomprendido e non recoñecido durante moitos anos. Ademais de numerosos inventos como as lámpadas fluorescentes, a radio, o radar,? ás veces atribuídos a outros científicos, a Tesla debémoslle a corrente alterna que é a que se usa hoxe día nas casas, industrias e todo tipo de máquinas, facéndonos a vida máis confortable. O libro contén un glosario onde explica os termos científicos empregados.

“Relámpagos” de Jean Echenoz, novelista francés (ed. Anagrama. 2012), con 150 páxinas. É unha ficción, sen pretensións biográficas, baseada na vida, obra e problemas do científico Nikola Tesla. O protagonista, Gregor, nace pola noite no medio dunha violentísima tormenta eléctrica, xa de maior emigra a USA e como enxeñeiro eléctrico inicialmente colabora e logo supera ao excesivamente famoso Edison, nada detén o frenesí inventor de Gregor.

Aquí tedes o video, realizado orixinariamente para un programa na 2 da Televisión Española:

« Entradas anteriores Entradas seguintes »

© 2024 bibliolucus

Tema por Anders NorenArriba ↑

error

Gústache o blogue? Corre a voz