Outra novela curta que se le dun tirón. María Reimóndez gañou con “A dúbida” o XIV Premio de Novela por Entregas de “La Voz de Galicia”.

Unha doadísima narración de denuncia dos abusos sexuais na infancia artellada dende a perspectiva da muller do acosador. O compromiso de Reimóndez para visibilizar este indignante tema non é un feito aillado pois no 1998 fundou a ONG “Implicadas no desenvolvemento” dende a que se elaborou o proxecto “O son das buguinas” para a axuda ás vítimas do tsunami na India no 2004.

Lembro ter traballado con eses boísimos materiais na aula… un pedazo de muller.

Aquí se pode ler o discurso que leu na entrega do premio.