A proposta do Consello Asesor do Libro, órgano contemplado na Lei do Libro e da Lectura (2006), marcouse a data do vindeiro 24 de febreiro como o DÍA de ROSALÍA, por ser o 175 aniversario do nacemento da nosa poetisa máis importante. É unha data importante para promover o interese pola nosa literatura e pola nosa lingua, que falta fai. Así, múltiples e variadas agrupacións de todo tipo -concellos, asociacións de escritores, bibliotecas escolares e bibliotecas públicas etc.- organizan diferentes eventos por todo o país.
De todas estas, destaca a Asociación de Escritoras e Escritores en Lingua Galega (AELG), que anima nesta data a conmemorala mediante o agasallos dun libro en galego e flores. Quen sabe, se cadra comeza a ter pulo e chega a ser unha cita tan relevante coma a do día de San Xurxo para os cataláns.
Tamén o noso Centro fará súa a conmemoración. Así, como se ve no cartel, haberá ás 10’30 unha lectura pública no noso Salón de Actos.
Comentarios recentes