Un outro blogue en galego de Wordpress

Etiqueta: exposición (Page 2 of 3)

Xogos matemáticos-2

wordle mate

Aquí presentamos a segunda parte dos materiais da exposición dos “Xogos Matemáticos“. Se na anterior tiñamos unhas fotos dos alumnos experimentando cos xogos e intentando conseguir as figuras xeométricas e outras actividades, nesta nota podemos ver unha imaxe do panel coas lecturas recomendades, tamén a Guía de Lectura específica e un nubeiro de palabras sobre as matemáticas, que é a imaxe que encabeza esta nota. E para rematar, un vídeo que realizamos sobre o conxunto da exposición.

proba

tríptico

E por fin o vídeo.

Puxemos un vídeo pero tiñamos máis…

Exposición: Revistas escolares

Durante estes días está presente no vestíbulo do noso centro unha exposición de revistas escolares. Estas revistas, unhas 40, foron editadas en institutos históricos entre 1910 e 1960 e permanecían nos fondos do Arquivo do Instituto. Daquela, eran confeccionadas polos propios alumnos e tamén polo profesorado de centros como o Instituto San Isidro de Madrid, o Pérez Galdós de As Palmas de Gran Canaria, ou o Cardenal Mendoza de Burgos, entre outros.

Cartel

Coma hoxe, os artigos facían mención dos actos máis importantes levados a cabo no centro. Dende as excursións dos alumnos até as visitas recibidas (por exemplo, a visita de Franco, a un destes institutos) pero tamén había traballos e artigos sobre as diferentes materias. Como comentaba o noso Catedrático de Historia, Antonio Prado, era común que houbera relacións entre os institutos e se mandaran as revistas uns a outros como elemento de cortesía e para manter a relación.

De seguido, presentamos unha pequena mostra de fotografías da exposición. No cartel que anuncia a exposición tamén se pode ver algún exemplar antigo da revista do noso Centro.

“25 de novembro”. Fin da exposición.

O vindeiro venres día 5 rematará a exposición en conmemoración do 25 de novembro. Foi moito o traballo e tamén os días de exposición e proveito que se tirou dela. Pero agora, para rematar, presentamos o vídeo que pecha tódalas actividades realizadas.

Aparece no vídeo todo un resumo das actividades realizadas nestes días. Por exemplo, a tea que une solidariedade e apoio contra o maltrato, e que se podía ver no teito do vestíbulo (aquí pódese ver un carrusel con parte do proceso de entretecido e colocación). Tranqui. Tarda un pouquiño en cargar, pero carga.

Mención a parte merece a colaxe en lenzo realizada, expresamente para a exposición, por Obed –un noso alumno de 1º de BAC– que serviu como cartel anunciador da exposición, que se pode ver a continuación.Obed-lenzo

Tamén hai que mencionar a escolma das láminas da presentación publicada en días anteriores e das mensaxes colocadas por toda a exposición. Ou as fotos que tiramos do libro de Gervasio Sánchez, “Mujeres women: Afganistán” e que empregamos para amosar e complementar a situación da muller noutras áreas xeográficas, neste caso adicado a Afganistán.

Esperamos que vos preste o vídeo. Sen pecar de falsa humildade, coidamos que Demetrio realizou un bo traballo con el. Velaí o tedes.

10 de decembro-Conmemoración

Remata xa a semana ampla, na que se tratou o tema dos Dereitos Humanos, que aínda colea nas derradeiras sesións de titoría antes das vacacións de Nadal.  Na nosa exposición, como xa se indicara, a carón das fotografías e dos comentarios realizados por autores relevantes como a periodista Maruja Torres, ou os escritores Juan José Millás ou Goitysolo, tamén aparecía polo seu interese o discurso de Gervasio Sánchez cando recibiu o premio Ortega e Gasset. E tamén, para gañar en “interactividade” colocouse un espazo para que, quen quixer, colocara os seus comentarios sobre dúas fotografías ou sobre o conxunto da exposición.

Agora, xa é hora tamén de ir recollendo os materiais e, por iso, como clausura, deixamos aquí as fotos dos paneis do vestíbulo onde se realizara, antes de deixalo todo libre para colocar as recomendacións de lectura para o Nadal.

 

Exposición “Pano de fondo”: III

Xa comentáramos como os alumnos e alumnas de 3º de ESO realizaran unha visita, coordinada entre os Departamentos de Lingua Castelá e a Biblioteca foran, á devandita exposición. Para que non quedara en algo puramente pasivo (“pss está ben”,  “si é curiosa”), pensárase en que escolleran unha fotografía calquera (a máis curiosa, ou a máis chamativa) e que realizaran unha pequena composición na que a describisen.

O que presentamos, de seguido, é unha pequena escolma daquelas descricións máis relevantes nas que se pode observar o seu bo facer.  Para velas axeitadamente debes premer na imaxe da portada e, nun anaquiño, terás o libro na túa pantalla. Que cunda o exemplo.

 

170 aniversario do noso IES

IES “Lucus Augusti celebra hoxe o seu 170 aniversario que o coloca coma o máis antigo da Galiza e un dos 10 máis antigos de España. Por tal motivo haberá un acto académico que tamén servirá de apertura para unha Exposición de diversos materiais sobre o Lugo de 1942.

Nos vindeiros días publicarase, aquí no blogue, un carrusel de fotografías sobre os fondos máis salientables. Mais para ir abrindo boca, tamén pódese acudir á fotogalería -5 imaxes- que publica o xornal “El Progreso para cubri-la noticia.

 

 

Exposición “Material escolar antigo”: IV

O prometido é débeda. Tras ímprobos esforzos, aquí temos o carrusel coas imaxes máis chamativas da exposición. Atoparedes, trebell0s antigos de escritura, libros de relixión, de “urbanismo”, imaxes de educación física e a campá do bedel que chamaba ás clases. Todo bastante curioso. Non si?

 

[kml_flashembed publishmethod=”static” fversion=”8.0.0″ movie=”http://bibliolucus.blogaliza.org/files/2013/03/Material-escolar-antigo.swf” width=”500″ height=”350″ targetclass=”flashmovie”]

Get Adobe Flash player

[/kml_flashembed]

Exposición “Material escolar antigo”: III

A Exposición que temos no vestíbulo do noso Centro sobre material escolar antigo segue a ter repercusión, máis aló dos muros do instituto. A pasada semana estivera aquí un equipo da TVG rodando unha pequena reportaxe para mostrar no programa “Revista da Fin de Semana.

No vídeo que se presenta a continuación, podedes ver o que se emitiu para toda Galiza no citado programa, no que interveñen dúas profesoras e dous alumnos, e no que tamén hai unha imaxes dalgúns dos fondos que pertencen á nosa Biblioteca Histórica.

Noutra nota anterior, tamén poñiamos algunha imaxe dunha reportaxe feita polo xornal “El Progreso” cando comezara esta exposición e tamén pasou por aquí “La Voz de Galicia” pero non puidemos pór nin tan sequera a ligazón porque é unha das páxinas de pago; o que indica a relevancia da noticia que ocupara 2 follas enteiras na edición do domingo 28 de outubro.

Todo isto, é a preparación para a Exposición central deste curso no que se conmemorará o 170 aniversario da fundación do noso Centro que é, por tanto, o máis antigo da Galiza, e un dos dez máis antigos de España, e que dará comezo a finais deste mes.  Non cabe dúbida de que se están quentando os motores para ese momento.

(Nota: para ver o vídeo, hai que premer na parte central da imaxe. Se aparece se son, hai que premer outra vez. Cousas da técnica).

Exposición “Pano de fondo”: II

Como o prometido é débeda, aquí temos xa as fotos da exposicións de “Pano de fondo”. Fáltannos tan só as composicións que aínda se están a facer. Que as desfrutedes.

[kml_flashembed publishmethod=”static” fversion=”8.0.0″ movie=”http://bibliolucus.blogaliza.org/files/2012/10/Pano-de-fondo1.swf” width=”500″ height=”400″ targetclass=”flashmovie”]

Get Adobe Flash player

[/kml_flashembed]

Exposición “Pano de fondo”

No Centro Sociocultural de NovaCaixaGalicia estase a celebrar unha exposición de fotografía titulada “Pano de fondo. Achegamento á fotografía de estudio 1880-1960“. Como o nome indica é unha escolma dalgúns dos principais fotógrafos dalgunhas vilas galegas (Laxe, O Porriño, Monforte…) e nas que aparecen ordenadas por temas: vodas, primeiras comuñóns e fotos de escolas, e retratos de persoas da vida rural e urbá desa cronoloxía.

Aproveitando esta oportunidade, desenvolveuse, entre parte do profesorado que comparte as clases de 3º con horas de Biblioteca, unha actividade na que participaron todos os alumnos de 3º da ESO -houbo que facer dúas quendas porque eran moitos- que consistiu en ve-la exposición e escoller a fotografía que máis lle chamara a atención e ter que facer unha pequena exposición argumentativa por escrito sobre o motivo da escolla.

Nestes momentos, estase a desenvolver esta segunda parte da actividade, pero a través das fotos que tedes a continuación pódense observar algúns dos fondos máis relevantes desta nosa historia recente. Dende aquí animávosvos, a todos os que teñades oportunidade, para ir vela porque é moi interesante. Estará aberta en Lugo até o 18 de novembro.

Premendo na imaxe, podes descargar o folleto de man. Nos vindeiros días, xa teremos preparado un pequeno carrusel de fotografías.

« Older posts Newer posts »

© 2022 bibliolucus

Theme by Anders NorenUp ↑

error

Gústache o blogue? Corre a voz