Un outro blogue en galego de Wordpress

Etiqueta: Día dos Dereitos Humanos

In Memoriam, Nelson Mandela

Ferve a rede en recursos e materiais que glosan a figura de Nelson Mandela. Nós, dende aquí queremos aportar o noso gran de area, cun vídeo que recolle algunhas das súas frases máis célebres (foi creado a partir dunha idea do cartel da Biblioteca Salgado Torres)

 De seguido, unha escolma dos moi bos recursos realizados polos Equipos de diferentes Bibliotecas escolares do país.



Agora, abrimos outro apartado de recursos xerais, na rede. Se vistes a película de “Invictus” (que está a piques de chegar aos nosos fondos), nela se fai referencia a un poema que aprendeu Mandela no cárcere e que é o que dá título á película: “Invictus” de William Ernest Henley (un importante poeta inglés de mediados do XIX). Aquí tedes o poema. Premendo nel, poderás velo máis grande co texto orixinal en inglés (vía: alocstudios.com), que resulta moi sensible e poético. Por outra banda, premendo no título anterior do poema, accederás a un video no que un recoñecido actor británico -Alan Bates- declama o poema (tranquilos, vai subtitulado en español).

Finalmente, unha serie de ligazóns escollidas con artigos actuais variados: dende a relevancia política e social do papel de Mandela, até o impacto que supuxo na música popular.

  • Un especial de “El País” sobre a morte de Mandela, con gran cantidade de artigos e imaxes. Especialmente recomendables son os artigos de John Carlin e de Rosa Montero.
  • Un artigo onde se reúnen moitas das cancións que se crearon como denuncia do réxime sudafricano e no que, sempre, estaba coma unha sombra a figura de Nelson Mandela.
  • Un artigo de Diego A. Manrique en “El País”, no que desvela a intrahistoria dun dos máis célebres himnos antiapartheid: “Free, Nelson Mandela“.

10 de decembro-Conmemoración

Remata xa a semana ampla, na que se tratou o tema dos Dereitos Humanos, que aínda colea nas derradeiras sesións de titoría antes das vacacións de Nadal.  Na nosa exposición, como xa se indicara, a carón das fotografías e dos comentarios realizados por autores relevantes como a periodista Maruja Torres, ou os escritores Juan José Millás ou Goitysolo, tamén aparecía polo seu interese o discurso de Gervasio Sánchez cando recibiu o premio Ortega e Gasset. E tamén, para gañar en “interactividade” colocouse un espazo para que, quen quixer, colocara os seus comentarios sobre dúas fotografías ou sobre o conxunto da exposición.

Agora, xa é hora tamén de ir recollendo os materiais e, por iso, como clausura, deixamos aquí as fotos dos paneis do vestíbulo onde se realizara, antes de deixalo todo libre para colocar as recomendacións de lectura para o Nadal.

 

10 decembro-Día dos Dereitos Humanos

Como conmemoración nesta data do 10 de Decembro, Día Universal dos Dereitos Humanos, aproveitamos unha Exposición fotográfica de Gervasio Sánchez -organizada polo Ministerio de Educación, Cultura e Deporte- que está a percorrer a xeografía española e que comezou en Madrid e rematará no vindeiro mes de abril. Nós, seleccionamos un feixe desas fotografías para levar a cabo a nosa particular exposición durante esta quincena.

Por que Gervasio Sánchez? Por que é un recoñecido recporteiro fotográfico que ten recibidos un monte de premios (o Ortega e Gasset no 2008, ou  o Nacional de Fotografía en 2009, entre outros moitos) e que adica gran parte do seu traballo e da súa vida, a pórnos diante da nosa face aquilo que moitas veces non queremos ver. Precisamente, como demostración do seu compromiso coa defensa dos Dereitos Humanos, protagonizara unha coñecida polémica no momento de recoller o premio “Ortega e Gasset”, pois puxo en envidencia a dobre linguaxe que en ocasión se emprega nas democracias occidentais: por unha banda, hai grandes parlamentos na defensa dos dereitos humanos e, por outra, somos os principais vendedores de armas do mundo.

Empregaremos, pois, parte dos seus materiais para tratar nas Titorías ou noutras materias varias cuestións relacionadas con esta conmemoración. Estes materiais son os que están expostos tamén nos paneis do vestíbulo e aquí presentamos unha pequena escolma gráfica  que é a que sigue:

[kml_flashembed publishmethod=”static” fversion=”8.0.0″ movie=”http://bibliolucus.blogaliza.org/files/2012/12/10-decembro1.swf” width=”470″ height=”350″ targetclass=”flashmovie”]

Get Adobe Flash player

[/kml_flashembed]

Tamén deixamos en formato PDF, os seguintes complementos:

  • A presentación impresa en formato PDF da exposición do noso vestíbulo.
  • O discurso da entrega do premio “Ortega e Gasset”.
  • Premendo no título, poderás ver o traballo nun seu blogue titulado “Os desastres da guerra“.
Esperamos que vos sexa de proveito.

© 2024 bibliolucus

Tema por Anders NorenArriba ↑

error

Gústache o blogue? Corre a voz