Un outro blogue en galego de Wordpress

Mes: Xaneiro 2019

Exposición-O Fotógrafo de Mathausen

Hoxe xoves, ás 20’00 h inaugúrase no “Vello Cárcere” unha interesante exposición titulada “Boix. Fotógrafo de Mathausen“. Nela pódense ver moitas das fotografías deste fotógrafo nese campo de concentración. Na sesión inaugural, haberá unha conferencia e un “saúda” da alcaldesa.

Francesc Boix, foi un republicano catalán que durante a Guerra civil española, ao ser ocupada Cataluña polas tropas franquistas, fuxiu a Francia. Ao comezar a Segunda guerra mundial, formou parte do exército francés, e moi axiña foi capturado polas tropas alemás e enviado ao campo de concentración de Mathausen.

Alí, como era fotógrafo, realizou un feixe de fotografías que, co tempo, serviron para inculpar nos chamados “xuízos de Nuremberg” a moitos mandos nazis e para demostrar a existencia “real” dos campos de concentración. Como vedes, é unha figura ben interesante e seguro que a exposición é moi digna de ver e que non vos deixará indiferentes.

Festival do Nadal 2018

Aquí temos o vídeo de varias das actuacións no Festival de Nadal. Faltan sobre todo as de tipo musical porque o son non estaba demasiado ben debido ao o ruído de fondo: ás veces, facía que non se escoitara ben. Porén, si están as 3 actuacións teatrais: a versión da Cerilleira de H. C. Andersen,  a obra do Pirata Barbarroxa e o Tele Xornal “Lucus Directo”.

Esperamos que vos gusten.

© 2024 bibliolucus

Tema por Anders NorenArriba ↑

error

Gústache o blogue? Corre a voz