bibliolucus

Un outro blogue en galego de Wordpress

Categoría: Curso 2018-2019 (page 1 of 5)

17 de maio-Día das Letras Galegas

O vindeiro xoves, 16 de maio, entre 10’25 e 11’15, como un dos actos da conmemoración do Día das Letras Galegas celebrarase a presentación da revista “Antonio Fraguas e o Instituto”.

Antonio Fraguas é o persoeiro a quen se conmemora este ano no Día das Letras, foi profesor do noso centro durante varios anos e tamén ostentou diversos cargos. Tamén el dá nome tanto á Biblioteca como ao noso Arquivo Histórico.

No acto, ao que acudirán diversos grupos de 2º, 3º, 4ºESO e 1ºBAC, tamén se entregarán os premios de narrativa breve “Antonio Fraguas“. Aquí deixamos as dúas narracións gañadoras: a primeira titulada “Recordos de pedra e auga“, pertence a Sara Freire Santiso (1ºESO-B).


E a segunda narración titúlase: “E a gorrión alzou as ás“, de Noa Fouz (4ºESO-C).

Charla contra a violencia de xénero.

Hoxe, día 14, ás 18 horas, haberá no Salón de Actos unha charla contra a violencia de xénero, que ten como principal característica o ser organizada por alumnas de 4ºESO no noso centro.

A charla ten como principal relatora a Marta Rodríguez Engroba, presidenta da asociación “Si, hai saída”. Deixamos a quí o cartel anunciador

Carreira solidaria

É tradición no noso centro, que cara finais de abril ou comezos de maio,se leve a cabo a organización dunha carreira solidaria. É unha actividade organizada polo Departamento de Educación Física pero na que participan moitos outros departamentos; tamén participan case tódolos niveis, quedando fóra os de 2ºBAC porque, dependendo das datas, están cos exames.

A carreira consiste en que cada alumno ou alumna ten que buscar un ou varios patrocinadores que abonarán 10 ou 50 céntimos por cada quilómetro recorrido. Cos cartos, apóiase a algunha ONG ou a algunha acción solidaria concreta. Este ano foi para a Asociación de loita contra o Cancro.

Aquí podemos ver un carrusel de fotografías do momento da saída de varios dos grupos. Isto é coma nos xornais cando hai un evento, localizácheste onde estabas ti?

Presentación de libros

O pasado mes informáramos da presentación de dous libros por parte de Lourenzo Fernández Prieto, que tiñan como nexo común a Guerra civil española. Con esa presentación máis a exposición de carteis anarquistas da propia guerra civil conmemorabamos o 80 aniversario do seu remate.

Para nós é un luxo e un honor ter aquí a tan importante autor polo que decidimos gravar-la conferencia para aqueles que non puideron estar. O laborioso proceso de edición xa rematou e velaí téde-lo resultado.


Exposición de maquetas de células

Presentamos unhas fotogafías que recollen algunhas das maquetas de células que foron espostas no vestíbulo do noso centro. Interesante, non?

Día Mundial do Libro 2019-II

Aínda que ás carreiras vimos de subir o vídeo sobre o Concurso Fotográfico que se organizara xunto co Departamento de Lingua Castelá. Tras estar uns días expostas as achegas dos e das participantes, temos o vídeo para que se poidan ver nas casas e fóra do noso centro. Esperamos que vos guste.

II Encontro de Banda Deseñada Histórica

Esta fin de semana celebrarase o II ENCONTRO DE BANDA DESEÑADA HISTÓRICA que terá como sede a nosa cidade. Durante dous días, Lugo converterase na capital mundial do cómic histórico cunha chea de actividades para os/as lugueses/as: conferencias, mesas redondas, pasarrúas históricos, obradoiros de cómic así como sesións de sinaturas a cargo dos autores convidados e un longo etcétera de actividades para o desfrute de todos/as.

A organización corre a cargo, entre outros, da Área de Cultura da Deputación Provincial e da Escola de Arte e Superior de Deseño “Ramón Falcón”.

Se gostas da banda deseñada, de seguro que é un gran plan para esta fin de semana. Podedes conseguir máis información no cartaz e no código QR que aparece neste.

Fractura

Quedei ancorado no libro “La vida en las ventanas“, non volvín a Andrés Neuman ata esta “Fractura” e laméntoo, sempre se cruzan lecturas entre desexos e vas abandonando promesas de reencontros que no meu caso quedan nunha listaxe virtual que xamais terei tempo para baleirala. Neuman é un grandísimo narrador e a súa última obra é un xogo entre a novela e o xornalismo reivindicativo, un manifesto antinuclear agochado na historia dun sobrevivinte de Hiroshima e os relatos en primeira persoa de 4 mulleres en 4 cidades que compartiron distintos momentos da súa vida, un trenzado sociocultural que xoga coas sutilezas da comunicación humana a través da linguaxe.

De cada libro quédame un recordo, polo menos un, se non me ocorre é que pasou pola miña vida como os centos de persoas coas que me cruzo cada día, obsérvoas pero non as inclúo nos meus recordos. De “Fractura” quedarame un concepto, a palabra á miña idade estou seguro de que se desvanecerá, o ” Kintsugi“, unha arte xaponesa que reconstrúe pezas rotas facendo visibles as súas gretas con láminas de ouro, unha metáfora da vida que se destrúe e recompón nunha sinusoide ineludible, algunhas persoas empéñanse en disimular as cachizas que conforman a súa historia, cando o verdadeiramente belo é mostralas como cegadoras fracturas. Eu polo menos son un home roto en mil pedazos, un kintsugi.

Premio extraordinario da ESO

No seu momento, xa se informara que un alumno noso, Pedro Ferreiro Rega, conseguira o Premio Extraordinario da ESO (pódese recordar aquí).

Agora, temos aquí unhas fotos nas que vemos a recollida do premio en Santiago, xunto con outros compañeiros e as autoridades educativas do país.

E se premes no título da imaxe que vén abaixo, poderás ler a entrevista que lle fixeron, hai uns días, no xornal “El Progreso“.

Pedro Ferreiro Rega, no vestíbulo do centro (Foto: Xesús Ponte. El Progreso).

O noso primeiro podcast

Recentemente, o noso centro mercou unha radio, ou máis ben o equipamento para facer radio-escolar. De seguido, Cristina, unha profesora que estivera connosco, xunto co alumnado de 3PMAR lanzáronse á aventura e veleiquí témo-lo resultado en forma do primeiro podcast que realizaron e que cont´n unha entrevista con Anxo, o coordinador do grupo da Biblioteca.

A idea sería que o noso alumnado, sobre todo aquel que lle interesen este tipo de medios de comunicación, se vaia formando ao mesmo tempo que divertindo para realizar máis traballos deste tipo. Se che interesa, non tes máis que comunicalo e iremos trazando para continuar con este proxecto. Ánimo.

Como o prometido é débeda, aquí temos a entrevista con Anxo, o coordinador do Equipo da Biblioteca.

« Older posts

© 2019 bibliolucus

Theme by Anders NorenUp ↑

error

Gústache o blogue? Corre a voz