Un outro blogue en galego de Wordpress

Categoría: Curso 2016-2017 (Páxina 3 de 4)

Novas colaboracións

Recientemente comezaron a escribir de forma conxunta dúas novas colaboradoras: Io Blanco Pousada e Aroa Andrés Merino. Á vista do seu bon facer augurámoslle a ambas a realización de grandes e fermosos traballos literarios.

Lecturas para o Nadal 2016

Xa temos recén saído do forno o tríptico coas lecturas aconselladas para estas vacacións. Sempre procuramos tocar varios xéneros para que todo o mundo teña algo onde picar.

Desta volta, o que se propón vai dende novela que lle chaman histórica cun best-seller español (O regreso do Catón), un libro de Banda Deseñada sobre Olympe de Gouges, a muller que escribiu a “Declaración de Dereitos da Muller” durante a revolución francesa; clásicos de intriga (un libro de Agatha Christie) e clásicos renovados (Nemo, o rapaz sen nome); libros para adultos (As olvidadas, de Ángeles Caso) pero que poden ser lidos por rapaces e rapazas con inquedanzas ou como o seguinte, un libro sobre as normas de uso na internet (NETetiqueta. Comunicación en entornos dixitais). Finalmente, libros relacionados con acontecementos cinematográficos e ademais en galego (Un monstro vén a verme) ou best-seller para mozos e mozas (El corredor del laberinto).

Para velo polo miúdo, hai que premer na imaxe. Que teñades boas festas.

lecturas-nadal-2016

EXPOSICIÓN: BUERO VALLEJO, EL HOMBRE Y SU OBRA

CARTEL BUERO 03 Corel.cdrO IES Lucus Augusti, por iniciativa do Departamento de Lingua e Literatura Castelá, coa colaboración do Equipo da Biblioteca do centro organiza unha exposición sobre o dramaturgo Antonio Buero Vallejo, titulada “El hombre y su obra, 1916-2016”, que xa está disposta no vestíbulo do noso centro, e coa que pretendemos apoiar a conmemoración do centenario do seu nacemento.

Témoslle que agradecer a  outro dos Institutos Históricos, o IES histórico de Guadalajara “Brianda de Mendoza”, e ao seu Director D. Juan Leal por facilitármonos copia de gran parte da documentación exposta sobre Buero Vallejo, que pertence ao seu Arquivo Histórico.

Igualmente, ofrecemos a posibilidade de ver o catálogo virtual de gran parte da Exposición premendo no cartel coa imaxe de Buero Vallejo.

DÍA CONTRA A VIOLENCIA DE XÉNERO

violenc-xenero-16

Desde 1981 Latinoamérica, e o resto do mundo, conmemora cada 25 de novembro o día contra a violencia de xénero. Os movementos feministas da rexión, cunha das taxas máis altas de violencia contra a muller, acuñaron esa data en honra ás dominicanas Minerva, Patria e María Teresa Mirabal, tres irmás asasinadas o 25 de novembro de 1960 por orde do ditador Rafael Leónidas Trujillo, do que eran opositoras. Anos máis tarde, en 1999, a ONU sumouse á xornada reivindicativa e declarou cada 25 de novembro Día Internacional para a Eliminación da Violencia contra a Muller, en honra ás irmás Mirabal.

O Equipo da Biblioteca do IES Lucus Augusti quere concienciar a toda a comunidade educativa sobre esta lacra mediante mensaxes visuais a través de siluetas. Aquí témo-lo vídeo de todo o exposto polo centro adiante.

E se queres ve-las fotos, preme  aquí .

INTERCAMBIO ALUMNOS ALEMAÑA

Intercambio Alemaña.  O pasado mes de Outubro (dende o 15 ao 22) visitáronnos os alumnos de alemán do intercambio. Foi a segunda parte deste intercambio (a primeira parte realizouse en marzo 2016, onde os nosos alumnos , entonces en 4º ESO, foron a Leipzig), na que os alumnos do Humboldt – Gymnasium en Leipzig visitaron coas profesoras Lugo, e o noso instituto. A visita rematou cunha festa no centro.

Aquí podemos ver un vídeo sobre as actividades realizadas durante a visita.

Se queres ver máis fotos preme aquí.

FAROIS DE SAN MARTIÑO

Achégase o San  Martiño (11 de novembro). Para celebrar este día, os nenos e nenas alemáns fan farois que saen alumear as súas vilas e cidades ao serán do devandito día.

Con motivo desta celebración o alumnado de alemán de 1º de ESO fabricou candanseu faroliño. Esta exposición pódese visitar no recibidor do centro.

Para ve-las fotos, preme  aquí.

 

 

Cartel

Xa temos o cartel desta VII edición do Día da Ciencia en Galego.

carteldcg1-2016

Como vedes, desta volta está adicado á Bioloxía e, en concreto, á figura de Gregor Mendel. Isto é de debido a que a FAO, un organismo dependente na ONU, declarou 2016 como o “Ano internacional dos legumes“, e  Mendel traballara cos chícharos para deducir as súas leis de herdanza.  Igualmente, tamén se vai destacar a figura de Cruz Gallástegui, un galego-basco, que foi a persoa que introduciu a xenética en España.

Na seguinte ligazón podes ler o Manifesto deste ano, de Isabel Aguirre de Urcola, no que defende o papel das bibliotecas como depósitos de coñecemento, da diferenza entre información e coñecemento,  e da importancia de aprender a ciencia en galego nas escolas e institutos.

« Entradas anteriores Entradas seguintes »

© 2024 bibliolucus

Tema por Anders NorenArriba ↑

error

Gústache o blogue? Corre a voz