Un outro blogue en galego de Wordpress

Categoría: Curso 2014-2015 (Páxina 1 de 5)

Día de Rosalía 2016

Coma tódolos 24 de febreiro, hai mobilización no país para a conmemoración do “Día de Rosalía“.  Tamén tódolos anos, acode puntual á cita a AELG (Asociación de Escritores en Lingua Galega) para artellar unha campaña que festexe á nosa poetisa nacional. Este ano, ademais do tradicional agasallo a amig@s e coñecid@s dunha rosa e dun libro, propón mobilizarnos por Rosalía nas redes sociais: no Twitter, no Facebook ou no Instagram.

CartelBaseAELGDia-de-RosaliaDeCastro2016-150_001Trataríase de levar a cabo un envío masivo, e simultáneo, dun verso de Rosalía desde os teléfonos móbiles do alumnado e do profesorado dos centros, dun verso do poema IV de Cantares gallegos (“Trocando en sonrisas / queixiñas e choros”baixo a etiqueta #mobilizarosalía.

Podes ver algúns exemplos das aportacións da xente e do que xa está compartido nas seguintes ligazóns de:

 – Facebook: posts.

Twitter: imaxes, vídeos, chíos.

Instagram: aquí e aquí.

E xa para rematar máis pretiño de nós, e no mundo físico, a Área de Cultura da Deputación de Lugo, xunto co apoio da Fundación Rosalía de Castro e a Obra Social de “La Caixa”, vén de presentar, o pasado luns 22, na Sala de Exposicións do Pazo de San Marcos, unha exposición fotográfica dun dos máis afamados fotógrafos da Galiza, Xurxo Lobato, titulada “Airiños, aires… Rosalía. Esta exposición estará aberta até o 30 de marzo. Podes conseguir toda a información, premendo na imaxe.

airiños aires

Enquisa de fin de curso

Estamos a piques de chegarmos á fin do curso polo que chega o momento de ir facendo balance. Moito mudou a nosa Biblioteca e seguimos con novas ideas para pór en marcha no vindeiro curso. Por iso, para ofrecervos un mellor servizo, deseñamos unha sinxela enquisa para que, anonimamente, se queres, nos fagas chegar as túas suxestións e puntúes o realizado ata este momento. Igual có ano pasado, imos empregar o mesmo procemento  pois funcionou ben.

Os usuarios son a parte máis importante de todo este proceso que comezou hai pouco tempo; e os usuarios deben colaborar, participar, aprender, suxerir e, mesmo, avaliar. Para poder facer isto último tan só debes premer na imaxe que está aí abaixo e cando saia o cuestionario -tardarás menos de dous minutos- ler os enunciados e picar na puntuación que che pareza mellor. A nós vainos servir para comezar o vindeiro curso, con máis folgos e máis ideas. Ánimo e a participar.

Grazas. E feliz verán.

Imaxe votar

Premios “San Clemente”

Tódolos anos o IES Rosalía de Castro de Santiago de Compostela convoca o premio literario “Arcebispo Juan de San Clemente” que xa vai pola vixésimo primeira edición no que se escollen varias obras nas modalidades de Lingua Galega, Lingua Castelá e Lingua Estranxeira. Este premio ten a particularidade de que o xurado non son eruditos sesudísimos, nin tan sequera profesores, senón alumnos e alumnas do propio centro.

A maiores, esta edición tamén ten unha segunda particularidade que é que quixeron facer unha homenaxe aos participantes doutros anos, tanto autores premiados como membros dos xurados anteriores. Por iso, nesta edición contan coa colaboración de 4 centros do resto da Galiza, un por provincia entre os que está o noso IES. Compoñén o xurado desta edición, por tanto, o alumnado dos seguintes centros, a parte dos do propio IES convocante: o instituto Xelmírez I de Santiago, o Lucus Augusti de Lugo, o Pintor Colmeiro de Silleda e o Ferro Couselo de Ourense.

Unha vez rematada o proceso da Selectividade, pois os participantes é o alumnado de 2º de BAC, é cando se falla. E, nesta ocasión, os gañadores foron os seguintes nas 3 categorías.

Na categoría de Lingua Galega, A memoria da choiva, de Pedro Feijóo, que se impuxo a  “A lúa da colleita” de Anxos Sumai, e a “Somnámbulos” de Suso de Toro,

Na categoría de Lingua Castelá, triunfou “El impostor” de Javier Cercas, sobre “El balcón en invierno” de Luis Landero e “Así empieza lo malo” de Javier Marías.

E na categoría de Lingua estranxeira, impúxose “El testamento de María” do irlandés Colm Tóibín que tivo máis puntos que “Expo 58” de Jonathan Coe e “Barba Azul, de Amèlie Nothomb.

Recomendacións para o verán

A piques de rematarmos xa as clases, deseñamos esta nova Guía de Lecturas con recomendacións para o verán.

Como veredes hai un pouco de todo. Dende libros de ficción (“Cuatro“, da serie Diverxente), até obras que tocan a divulgación científica (“O científico que derrotou a Hitler), e dende a Banda Deseñada actual (A vitoria final) até outro tipo de ficción aparentemente máis infantil (Mortadelo ou a Historia de aquí de Forges). Tamén hai sitio para outra triloxía xuvenil, a coñecida Ámote Leo de Rosa Aneiros, e tamén para a serie negra do país (a continuación dunha das lecturas obrigatorias de galego: A praia dos afogados, unha nova aventura de Leo Caldas, escrita por Domingo Villar), e para unha autobiografía novelada sobre “O Piloto“, o derradeiro dos maquis/guerrilleiros mortos en todo o estado. Para rematar dous libros de lucenses: por unha banda, unha das nosas debilidades, o último libro do lucense Miguel Anxo Murado –La invención del pasado-, que sirve para desvelar algunhas das fantasías históricas que se espallan e son admitidas como verdade universal e pola otra, unha novela ambientada na antiga Lucus Augusti –Las hijas del César-, que vén moito a conto agora que falta pouco para o “Arde Lucus”.

Aquí queda o tríptico (non hai máis que premer na imaxe da galería onde está o selo da Biblioteca)  por se queredes botarlle unha ollada e, coma sempre, tódalas obras están no noso expositor.

Recicled Instruments Workshop

Presentamos un carrusel con algunhas das imaxes recollidas sobre a morea de obxectos que están no vestíbulo e que forman parte da exposición de “Instrumentos realizados con material reciclado“. Ollo, que moitos funcionan e soan “case” coma os de verdade!

SOFÍA SANTOS ULLOA, CAMPIONA GALEGA DO CONCURSO COCA-COLA DE NARRACIÓN

SOFÍA SANTOS ULLOAdo IES Lucus Augusti, colaboradora habitual deste blog, ficou campiona galega da 55 edición do “Concurso Coca-Cola Jóvenes Talentos de Relato Corto” logo de quedar campiona da zona de Lugo. En Galicia participaron un total de 760 concursantes, mentres que en España o número de participantes sumou un total de 12 400.

O vendeiro día 25 de xuño, como campiona galega, viaxará a Madrid para participar na fase estatal na sede da Real Academia Española e enfrontarse aos gañadores das restantes autonomías. Posteriormente permanecerá en Madrid, invitada por Coca-Cola, para participar durante dez días do “Campus Jóvenes Talentos“.

Tamén podes ver galería de fotos na web do Instituto.

Graduación 2015

Temos algunhas fotos do Acto da Graduación celebrado onte. Están collidas do xornal “La Voz de Galicia” que foron os primeiros en subilas.

 

Festival das Letras Galegas 2015

Xa temos aquí o vídeo do Festival. Entre actuación e actuación faise referencia á Revista deste ano, que tamén publicaremos en breve. Tamén é curiosa, a actuación na que se empregan os instrumentos realizados a partir de refugallos ou de materias recicladas. É digno de ver. Unha mágoa que o son non sempre acompañe.

Festival do Día das Letras

O vindeiro venres, día 22, contra as 10,25 h. haberá no Salón de Actos un Festival que porá fin á Semana adicada á conmemoración das “Letras Galegas“. Tamén se aproveitará para facer a presentación da Revista Escolar deste ano. Pódese ver o Programa detallado premendo na imaxe.

Festival das Letras

Nos vindeiros días publicaremos tamén aquí, un exemplar virtual da Revista e un vídeo sobre a grabación do Festival.

17 de Maio – Día das Letras Galegas

No vestíbulo do Centro, despregouse a pancarta que sirve para nos indicar a conmemoración do Día das Letras Galegas, que este ano está adicado a X.V.Filgueira Valverde.

IMG_20150514_101634

Desta volta, confeccionouse unha Guía de Lecturas para a ocasión, un Díptico sobre o autor homenaxeado e unha listaxe, para os titores e titoras, cun feixe de recursos variados para poder traballalos nas clases ou nas horas de Titoría, dos cales ímovos amosar algún deles.

En primeiro lugar, temos unha vídeo-creación realizada polo obradoiro de Animación “Bicharte” para a Coordinadora Galega de ENDL: “O dia das letras galegas, presume e comparte

Tamén destacamos este video realizado por AFUNDACION, que depende de ABANCA, á quen lle temos que agradecer que se acorde desta significativa data para facer un anuncio na lingua propia do país. É un fermoso vídeo titulado: “Empápate co galego“.

Os titores e titoras teñen un díptico (adaptado do orixinal do Seminario Galán) e a Guía de lecturas recomendadas para esta data e unha listaxe cun feixe de recursos visuais para proxectar nas clases.a Guía distinguimos entre obras recomendadas para a ESO, entre as que destacan a Triloxía de Dolores Redondo  ou a tamén triloxía sobre “o mundo secreto de Basilius Hoffman“.

Para BAC, predominan obras de tipo sociopolítico en consonancia cos tempos electorais nos que andamos. Dende a entrevista a Xavier Vence, até o libro do periodista lugués Anxo Lugilde “De Beiras a Podemos“, que é unha crónica política recente, ou o  libro de Antón Baamonde “A derrota de Galicia” ou “Contra a morte das linguas. O caso do galego“, de Miguel Moreiras; obras todas elas que nos chaman á reflexión sobre o momento actual político e tamén lingüístico.

Finalmente, a Guía deste ano está deseñada para que se dobramos polas liñas oblícuas dunha das caras, sáenos unha especie de avión que cando se desprega aparecen as recomendacións de lectura, e cando se dobra, pódese empregar para que as obras dos nosos autores voen polo aire e se difundan.

Pódense acceder ao Díptico e á Guía premendo nas imaxes seguintes.

Clip_2Clip_3

Para rematar, a particular homenaxe a Rosalía dun grupo de rapazas do noso centro, na que versionean un poema de Rosalía.[youtube=http://youtu.be/huuLnLYRvL8]

« Entradas anteriores

© 2024 bibliolucus

Tema por Anders NorenArriba ↑

error

Gústache o blogue? Corre a voz