Un outro blogue en galego de Wordpress

Categoría: Curso 2010-2011 (Páxina 1 de 2)

Domingo Villar e “A praia dos afogados”

Hoxe vén de coñecerse como esta obra –A praia dos afogados– de Domingo Villar, que moitos tedes lido e que se atopa na nosa biblioteca é unha das 7 obras finalistas do premio Dagger. Este é, seguramente, o premio máis afamado  a nivel internacional sobre a temática centrada na chamada novela negra.

Con esta nominación, que se resolverá a finais do mes de xullo, recoñécese o labor e a escrita deste autor en galego e mais tamén da súa tradutora ao inglés, Sonia Soto. Xa foi unha obra varias veces premiada (por exemplo en 2010, pola Federación de Libreiros de Galiza) e que tamén foi traducida ao castelán sendo tamén moi recoñecida.

Dende aquí desexámoslle sorte con este galardón tan importante.

Lois Pereiro-2

A través do “Caderno da lingua“, un dos blogues máis innovadores de Lingua Galega, vimos un video-documental sobre Lois Pereiro no que amigos, e persoas que compartiron con el moitas situacións, falan do seu valor como poeta e do seu percorrido vital. Como curiosidade, cabe engadir que tamén aparece Xosé Manuel Pereiro, irmán de Lois, actual Presidente do Xornalistas de Galicia, e periodista colaborador en “El País”. Tamén aparecen Antón Losada, periodista tamén coñecido, e Menchu Lamas e Antón Patiño -quizais os artistas galegos máis recoñecidos internacionalmente-, entre outros.

O vídeo titúlase “As armas da paixón“, dura uns 15 minutos e está realmente ben. É unha achega máis a este autor.

[kml_flashembed movie="http://www.youtube.com/v/qxFIs2z_dsw" width="500" height="400" wmode="transparent" /]

Exposición de “Xornais do mundo”

Recentemente celebrouse unha exposición sobre as principais cabeceiras editoriais do mundo. Así, presentáronse exemplares de periódicos chineses, xaponeses, turcos, rusos, cubanos ou hondureños. Aparecían de moitas orixes, escritos en moitas linguas e con moitos alfabetos tamén. Para que vos lembredes dela, o Equipo da Biblioteca, recreou a seguinte presentación.

ligazon

[kml_flashembed movie=”” width=”500″ height=”400″ wmode=”transparent” /]

EXPOSICIÓN

Sopa de Europa

Por fin xa temos aquí todo o froito do traballo realizado como consecuencia da actividade de “Sopa de Europa” que se veu realizando durante máis dun mes co alumnado de 1º da ESO. Aquí tedes publicado os 3 traballos finalistas e tamén o acróstico vencedor, e unha pequena escolma de fotografías.

Sen dúbida, un esforzo incrible. Para velo, non hai máis que picar na imaxe da portada do libro. Parabens para as gañadoras e tamén a tódolos participantes.

Día das Letras Galegas 2011

pereiroO vindeiro maio, no Día das Letras Galegas conmemórase a obra de Lois Pereiro. É un autor “raro” neste tipo de conmemoracións porque non remeda a figura do gran autor literario senón a sombra do “maldito”, figura literaria e vital que en todas as literaturas amosa un certo interese. Tamén é chamado “moderno” e, mesmo, poeta “punki”. Sen dúbida, non é un autor como o dos anos anteriores. Morreu moi novo despois de levar unha vida rápida e intensa, razón pola cal a súa obra é bastante escasa.

Os de Algueirada, que tamén manteñen a plataforma de Blogaliza, onde estamos nós, veñen de crear un blogue adicado á súa figura onde pretenden centralizar toda a información que se vaia producino durante este ano: lecturas, obras, xornadas, conferencias, exposicións….  sobre a súa figura. O enderezo é o seguinte: http://loispereiro.blogaliza.org.

Se queres coñecer máis sobre a figura de Lois  Pereiro, velaí tes unha boa fonte de iniciación. De cando en vez, nós tamén iremos lembrando algunha noticia relevante.

Exposición de Seoane

Organizada pola Fundación “CaixaGalicia” está a funcionar estes días no na Sala de Exposicións do  Centro Sociocultural de Caixa Galicia no fondo da Praza Maior, a exposición “Cen por cen Seoane. 100 anos, 100 lugares“. Conmemórase con ela o centenario do artista na forma da maior exposición habida nunca sobre o artista.

Así aparecen recollidas máis de 350 obras orixinais do autor e doutros artistas que tiveron que ver con el, 220 documentos orixinais (cartas, escritos variados, autógrafos…) e preto de 130 fotografías  sobre a súa vida. Todo isto permite facerse unha clara idea da importancia de Luís Seoane, como artista e tamén como activista político e noutras facetas relevantes como a participación con Isaac Díaz Pardo no xermolo do que había de ser máis adiante a factoría de Sargadelos.

A exposición estará aberta até o 8 de maio en horario de mañá e tarde, podendo realizar os mércores e sábados ás 19’30 unha visita guiada. Para coñecer máis exactamente os horarios, podes picar na seguinte ligazón da Sede de Lugo da Fundación Caixa Galicia onde tamén hai unha ligazón á exposición.

Finalmente, podes descargar o folleto da exposición premendo na imaxe seguinte, pero coidado os horarios que aí aparecen non son os de Lugo.

Colaboracións -1

Velaí xa temos a primeira colaboración. Trátase dun relato escrito por unha compañeira do Centro. A ver que vos parece. E ánimo que  precisamos tamén de críticas das lecturas ou das películas que teñades lido ou visto recentemente.

[kml_flashembed movie="" width="500" height="700" wmode="transparent" /]

A tecnoloxía avanza, tamén nestas festas.

Visto pola Internet, velaí está a proba de que as Tecnoloxías da Información son xa tan parte da nosa vida que, mesmo, nestas datas tamén son imprescindibles. Se tes altofalantes, préndeos para te embeberes do espírito navideño. Que vos traian moitos agasallos.

[kml_flashembed movie="http://www.youtube.com/v/tgtnNc1Zplc" width="500" height="400" wmode="transparent" /]

60 anos neste edificio

No Salón de Actos do Centro exponse unha Mostra Fotográfica que conmemora os 60 anos do Instituto no presente edificio. O noso Centro que pasa por se-lo máis antigo da Galiza -pois foi fundado en 1842 co nome de Instituto Masculino- foi pasando por varios edificios como por exemplo o actual Pazo da Deputación, ou edificios en Monforte.

Porén, a nova que hoxe presentamos é que no Salón de Actos exponse unha Mostra Fotográfica sobre a construción do presente edificio que este ano cumpre o 60 aniversario. En efecto, foi aló polo 1943 cando se coloca a súa primeira pedra, estando presentes tódalas autoridades do momento. De tal exposición e do 60 aniversario, fíxose eco a Televisión Española a través do TeleXornal do seu Centro na Galiza.

Se queres ve-las imaxes, dálle ao play no cadradiño que tes a continuación (tranquis, que tarda un cachiño en cargar).

Download

PlayPlay
« Entradas anteriores

© 2024 bibliolucus

Tema por Anders NorenArriba ↑

error

Gústache o blogue? Corre a voz